'A l'urdimo amico mio
Sulo ieri te verevo 'e camminà
acussì allero ncopp''a bicicletta
pa via 'e Sant'Antonio 'e 'a Carità.
E ncoppa 'a chella moto tantu bella
ca tu tenivi lucida 'e cu cura.
Ire n'ommo sicuro e senza scuse
c'amava 'a cumpagnia 'e ragiunà.
Su ogni cosa ca se presentava
cercavi sempe 'e ricere 'e spiegà.
Io nun sapevo ch'ire 'e che facivi
'a do venivi 'e chello ca vulivi.
Ma te tenevo accanto comm''amico
comme te cunuscesso 'a tiempo antico.
'E Te, nun m'impurtava 'e sapè
si ire ancora scapulo o 'nzurato.
si avivi figli o eri divurziato,
si avivi casa o quacche poco 'e terra:
chello c'avivi 'ncapa m'empurtava!
Mo m'hanno ditto ca tu si' partuto
chianu chiano na sera d'autunno
e ca nisciuno sa dove si' gghiuto.
'E ato io nun faccio ca pensà:
comme simmo strani nui umani!
Parlammo tantu tanto e mai chiarimmo
chello che poi nisciuno sa spiegà.
'E quanno poi mai ce l'aspettammo,
luntano zittu zitto ce ne jammo.
Pasquale Mesolella
Prato, 26/09/2015
Pasquale Mesolella
(da Il Sidicino - Anno XII 2015 - n. 10 Ottobre) |