La morte e passione re Gesù Cristu
Padre nostro peccerigliu
bianco è russo e ricciuligliu,
c'era na madre benedetta,
che purtava na cara lettera,
tre angeli ra ru cielu,
la chiamavanu Maddalena.
Maddalena, Criste e Domini,
che salva tutti gli uomini,
piccoli e li grandi a ri pieri re San Giuanni.
Abbasciu alla funtana c'è stevenu i malati.
Passava Gesù Cristu, cu tante martellate:
e lu sangu che scurreva,
Maddalena raccuglieva,
renda a nu santu calice lu metteva,
ngoppa a l'altare c'è lu punea
la Santa Messa se riceva.
Chi pe tre vote su rice a sera,
nun po murì senza a cannela,
chi tre vote su rice a notte,
nun po' fa na male morte,
chi tre vote su rice a matina,
nun po' fa na male fine,
chi tre vote su rice a ri campi,
nà paura, nù de tuoni e nù de lampi.
Esterina De Rosa
(da Il Sidicino - Anno XII 2015 - n. 11 Ottobre) |
