L'ASSOCIAZIONE
 
il Sidicino
 
Indice per autore
 
Indice Esterina De Rosa
 
 

Leggende agiografiche - Pippante

 

Anche il 2014 sta volgendo alla fine e noi, come è nostro solito, a fine anno facciamo il consuntivo.
Nel mio, nella colonna che racconta in rosso le perdite, due nomi spiccano: "Palmetella" e Anastasia.
A molti non dicono nulla, a qualcuno di mia conoscenza risuoneranno familiari, per me sono una porzione di affetto e un passato che non tornerà più.
Queste due care persone erano le ultime depositarie di una tradizione che si tramanda solo oralmente e che io un giorno ho tentato di mettere su carta, con fatica, vuoi per il dialetto strettissimo vuoi perché insieme sembravano un fiume in piena che esondava visto che quei canti, quei racconti, quelle conte e quelle preghiere erano la loro gioventù; perciò mi era difficile con la penna star loro dietro.
Tra le tante cose che ho raccolto quel giorno, comincerò col regalare un racconto che poi a scuola ho scoperto essere molto simile alla storia di Jack 'o lantern, la leggenda legata alla festa anglosassone di Halloween, però in versione agiografica.
Ciò a riprova che “nessun uomo è un'isola”, come sosteneva già John Donne, ma tutti siamo la risultante di un passato che ha visto popoli che si sono miscelati, lasciando impronte che si perdono nella notte dei tempi...

Pippante
Ce steva nu vaglione che se chiamava Pippante. Chistu cca nun teneva renari e era pure orfano. 'Na vota sentette bussa' a' porta soa. Jett'arapì, ereno Gesù cu tutti quanti gli apostuli ca cercavene riparu pe 'a nuttata. Isse ri rette 'a mangia' e 'a rurmi'. 'A mattina roppu Gesù ricette a Pippante: “Buon uomo, tu mi hai aiutato, ora io aiuterò te. Che te pozzu fa?”. Pippante rispunnette: “Gesù, i' vulesse tre cose: 'a verete chella pianta re ficu? I' vulesse ca chi ce saglie nun po' cchiù scenne si nun vogliu ì. Po' vulesse 'na seggiulella addò chi s'assetta nun s'aiza chiù e nu sacco che chi ce care rendu nun ne esce si nun vogl'i'”. San Pietro allora ri ricette: “Ma comme, invece 'e addimmannà 'a salvezza per la tua anima, tu vai truvanne cheste cose?. Quannu vieni nun te facciu trasì”. “San Pie', vui che vulete, 'a me nun ci'aggiu penzatu”. “Ma tu così andrai all'inferno!” ricette 'ncazzatu San Pietro e se ne jeru.
Pippante roppu ni pochi re juorni arrivau 'nta nu paese. Teneva nu poc' 'e fame e se ne jette 'nta l'osteria. Truvau nu riaulu ca steva mangennu e ri ricette si vuleva juca' nu poco a carte cu issu. Allora se metterenu a juca' e Pippante vencette tuttu cosu.
A' fine ricette a ru riaulu: “Si pierdi puri chesta te mettu rentu ru sacco affatato.”
E accussì fuzette.
Pippante ru vencette re botte pecchè chigliu nun putev'asci'; po', a fine, ru lassette i'. Turnau a' casa e a' matina roppo sentette tuzzulia' a' porta. Jett'arapi' e se truvau 'nfaccia a Morte ca ri ricette: “Pippà, è venuto il tuo momento. Vestiti e vien'appriess' a me”. “Ma comme i' songo accussì giuvene e tu già me vuo' purtà'. Nunn'aggiu mancu assaggiatu chille belle ficu che stannu 'ncoppa a chella pianta. Siente, facemme accussì: I' mò assaggiu dui ficu e po' ce ne jammu”.
Pippante sagliette ncoppa a ficu e cuminciau a mangià.
A morte ra sottu ri ricea che vuleva puri essa cacche ficu ma Pippante ri menava 'e scorze e riceva: “Si vuoi 'e ficu sagli 'ncoppa e fattelle”.
'A morte sagliette 'ncopp' a pianta affatata e nun putette cciù scenne. Gira e gira a nu certu puntu ricette: “Pippà cumm'aggia fa?” E Pippante rispunnette: “E tu quantat'anni me fai campà?”
Se metteru d'accordu e 'a morte se ne jette.
Roppu ni belli pochi r'anni turnau a veni'. “Stavota nun me faje fessa. Vestiti e andiamo”. “Va buo'. Ma tu assettete nu pocu mente i' me vestu”. 'A morte s'assettaje 'ncopp'a seggiulella affatata e non se putette cciù aizà. Allora Pippante ricette: “Si te vuoi aizà m'a lassa' i' 'n'ata vota”. Passarenu tant'anni e Pippante s'era fattu viecchiu e nun ce ne teneva chiù 'e campà. Stavota quannu venette 'a morte issu jette cu essa. Arrivatu 'm Paravisu, truvau San Pietro che quann' ru verette ru mmannau subitu all'inferno, pecchè steva ancora 'ncazzatu cu issu. Allora Pippante tuzzuliau a' porta dell'inferno e ri venette a' 'rapi' chigliu riaulu che issu aeva scuscenatu re mazzate. Chisto, quann' ru verette, ricette: “Fuje ra lloco, vavattenne ca nuje cà ddentu nun te vulemmu”. Turnau allora 'm Paravisu e ricette a San Pietro: “Si nun me vuoi fa trasì nun fa niente però mittime stu saccu ra rentu sinnò me ru arrobbenu”.
San Pietro, scemu scemu, ri mettette ru saccu ra rendu a porta ru Paravisu e Pippante ricette: “In nome re Ddiu, puri Pippante rend'a ru saccu siu” e se truau direttamente rendu a ru saccu che steva adderetu a porta ru Paravisu.
E chesta è a storia re Pippante.

Esterina De Rosa
(da Il Sidicino - Anno XI 2014 - n. 12 Dicembre)